Concert communabel cun igl Gospelchor Wädenswil

Concert da Pasca «Notg & Steilas» – «Gospel & Spirit»

Igl Chor viril Surses ed igl Gospelchor Wädenswil anveidan dumengia da Pasca, igls 1 d’avregl 2018 agl concert communabel an  baselgia Nossadonna.

Igl Chor viril Surses sot la direcziun da Rainer Held sa deditgescha an sies blocs alla descripziun musicala vasta dalla notg e digl tschiel steilia. Eriks Esenvalds viegia an sies toc an 8 vouschs numno “Stars” tar las steilas ed Eric Whitacre ò tar la cumposiziun an 6 vouschs “Lux Aurumque” sa laschea inspirar da la gleisch. Dasper chellas cumposiziun contemporanas digls dus Erichs ed igl toc “Stärn” da Markus Fricker na mantgan pero betg la canzungs rumantschas tradiziunalas da Lavater, Lanicca, B. Dolf e las canzungs da paia per Rezia Cantat 2018.

Igl Gospelchor Wädenswil brigliescha cun musicals, balladas da rock, jazz, swing e gospel tradiziunal. Igl chor tgè schon diversas gedas nia undro canta sot la la direcziun dad Adeline Marty an diversas furmaziuns ovras scu “Hallelujah” da Leonhard Cohen, igl Gospel fascinont “Ain’t Got Time to Die” ubagn igl Ave Maria, ena ovra contemporana digl Turitges Christian Enzler.

Dumengia da Pasca, 1 d’avregl 2018, 15:00 Uhr und 20:00 Uhr, baselgia catolica Nossadonna, Savognin

Igl concert dalla seira è quasi vandia digltottafatg. Singuls bigliets per plaz sen lobgia èn anc pussebels da cumprar alla cassa dalla seira (sen agen risc). Per igl concert digl sivamezde vagnsa anc radond 20 plaz.