Concert communabel: Chor viril Surses anveida ensemble vocal incantanti

Sonda, igls 28 da favrer 2026, allas 20.00, anveida igl Chor viril Surses agl concert communabel an Sala Grava a Savognin. Giast è igl renumo ensemble vocal incantanti – en chor da giuvenils tgi incantescha cun vouschs commovontas, energeia giuvenila e cun gronda ambiziun musicala.

Igl ensemble undro internaziunal sot la direcziun da Christian Klucker cumbinescha la canzung tradiziunala – cun en focus spezial per rumantsch – cun interpretaziuns innovativas e frestgas. Scu ambassadours da cultura impurtants digl Grischun sa preschentan las cantadouras ed igls cantadours giovens an Svizra ed agl exteriour e spostan adegna puspè ilgs cunfegns digl cant da chors.

Nous ans legragn ordvart d’aveir gudagnea incantanti per noss concert annual ed envidaagn Vous cordialmaintg a chest eveniment musical tot spezial.

Cumprar bigliet e reservar plaz